WOW yngir upp flotann
Setja bókamerki
Í gær tók WOW air á móti nýrri Airbus A320-vél árgerð 2011 og fór hún með farþega WOW air frá London til Íslands í gærkvöldi. Þetta er fyrsta vélin af fjórum nýlegum Airbus A320-vélum sem WOW air mun taka í gagnið fyrir næsta vor. Vélin verður nýjasta þotan sem notuð er í áætlunarflugi til og frá Íslandi af íslensku flugfélagi. Þetta kemur fram í tilkynningu frá WOW air.
Nýju Airbus A320-vélarnar eru mun sparneytnari en eldri vélar félagsins og jafnframt menga þær umtalsvert minna. Engin breyting verður á samstarfi WOW air við Avion Express sem verður áfram flugrekstraraðili WOW air.
„Það er virkilega ánægjulegt að geta strax tekið í notkun þessa fyrstu af fjórum nýlegum Airbus A320-vélum sem WOW air mun vera með í notkun frá og með næsta vori. Eftir yfirtökuna á Iceland Express erum við að stórauka leiðarkerfi okkar og tíðni og munum leggja mikla áherslu á að bjóða ávallt upp á fyrsta flokks aðbúnað og þjónustu fyrir okkar farþega,“ segir Skúli Mogensen, forstjóri WOW air.
Gígbarmurinn hækkað frá því í gær
Skar höfuðleðrið af íslenskri konu
Kostnaður meiri en milljón á fermetra
Sex hafa greinst með listeríu
Eyjafjarðarbraut lokað vegna alvarlegs umferðarslyss
Hvorki sést áður hér á landi né annars staðar
Banna mengandi búnað sem leyfður er á Íslandi
„Umsátursástand“