Pétur Hreinsson
Enn er vilji hjá ferðaþjónustufyrirtækjunum Into the Glacier og Arctic Adventures til að sameina félögin tvö. Þetta segir Jón Þór Gunnarsson, forstjóri Arctic Adventures.
Hann tekur aftur á móti fram að nokkur óvissa sé um bókunarstöðu Into the Glacier fram í tímann, meðal annars vegna fækkunar ferðamanna, sem nam tæpum 24% í maí samkvæmt tölum Ferðamálastofu.
Sigurður Skarphéðinsson, framkvæmdastjóri Into the Glacier, var nokkuð brattur í samtali við ViðskiptaMoggann og segir fyrirtækið enn sem komið er hafa unnið varnarsigur á árinu og að umræða um hrun í aðsókn hjá fyrirtækinu sé röng.
Samtals nemur samdrátturinn í aðsókn um 10% á milli ára og hefur fyrirtækið tekið á móti 17 þúsund gestum til þessa. Áætlað er að þeir verði 50-55 þúsund í ár.
Lesa má fréttina í heild sinni í ViðskiptaMogganum.