Eldur kom upp í seiðaeldisstöð

Eldur kviknaði út frá háþrýstidælu í seiðaeldisstöð Arctic Fish í ...
Eldur kviknaði út frá háþrýstidælu í seiðaeldisstöð Arctic Fish í botni Tálknafjarðar. mbl.is/Sigurður Bogi

Eldur kom upp í seiðaeldisstöð Arctic Fish í botni Tálknafjarðar um klukkan 15 í dag. Eldurinn kviknaði í rafmagnsútbúnaði.

Slökkviliðin á Tálknafirði, Patreksfirði og Bíldudal fóru á vettvang og þegar að var komið hafði eldur læst sig í vegg og loft inni í húsinu, sem er sambyggt.

Að sögn Davíðs Rúnars Gunnarsson, slökkviliðsstjóra, var það fyrir snarræði slökkviliðsmanna að það náðist að slökkva eldinn áður en hann komst í mörg plastker sem þar eru.

Starfsmenn sem voru að störfum í seiðaeldisstöðinni höfðu samband við slökkviliðið. Davíð segir að eldurinn hafi verið þónokkur og að sem betur fer hafi tekist að slökkva hann í tæka tíð.

Lítilsháttar tjón

Að sögn Sigurðar Péturssonar, framkvæmdastjóra Arctic Fish, kviknaði eldurinn út frá háþrýstidælu. „Það hefur orðið eitthvað skammhlaup í henni og byrjaði að leggja reyk þarna og það eru verklagsreglur hjá okkur að hringja strax í slökkviliðið,“ segir hann. 

Hann segir tjónið lítilsháttar og einungis dælan sjálf hafi eyðilagst. „Þetta var alveg afmarkað, ekki nálægt okkar fiskum eða neitt,“ segir Sigurður. 

Uppfært kl. 16:52 með upplýsingum frá Arctic Fish

Seiðaeldisstöð Arctic Fish í botni Tálknafjarðar.
Seiðaeldisstöð Arctic Fish í botni Tálknafjarðar. Ljósmynd/Aðsend
Tálknafjörður.
Tálknafjörður. Ljósmynd/Bæjarins besta
mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 23.1.18 282,02 kr/kg
Þorskur, slægður 23.1.18 322,56 kr/kg
Ýsa, óslægð 23.1.18 328,08 kr/kg
Ýsa, slægð 23.1.18 244,02 kr/kg
Ufsi, óslægður 23.1.18 92,88 kr/kg
Ufsi, slægður 23.1.18 122,40 kr/kg
Djúpkarfi 29.12.17 131,00 kr/kg
Gullkarfi 23.1.18 211,53 kr/kg
Litli karfi 14.12.17 0,00 kr/kg

Fleiri tegundir »

23.1.18 Bylgja VE-075 Botnvarpa
Þorskur 53.476 kg
Karfi / Gullkarfi 15.958 kg
Steinbítur 3.823 kg
Ufsi 1.261 kg
Samtals 74.518 kg
23.1.18 Hvanney SF-051 Þorskfisknet
Ýsa 125 kg
Langa 42 kg
Ufsi 29 kg
Skötuselur 3 kg
Karfi / Gullkarfi 2 kg
Skarkoli 1 kg
Samtals 202 kg
23.1.18 Dögg SU-229 Landbeitt lína
Þorskur 1.064 kg
Ýsa 52 kg
Samtals 1.116 kg

Skoða allar landanir »