Alls staðar fiskur og grjótnóg af honum

Birgir Sigurðsson við komuna til Njarðvíkur í gær. Vel hefur ...
Birgir Sigurðsson við komuna til Njarðvíkur í gær. Vel hefur fiskast undanfarið og segir Birgir að mikið af hrygningarfiski sé á ferðinni. mbl.is/RAX

„Það er alls staðar fiskur og grjótnóg af honum,“ sagði Birgir Sigurðsson, skipstjóri á Maron GK 522, undir hádegi í gær. Þeir voru þá að draga netin í Garðsjó norður af Garðskaga, en neta- og færabátar hafa mokfiskað þar síðustu daga.

Á sama tíma hefur heldur dofnað yfir línuveiðum eftir að loðnan gekk fyrir Reykjanesið og fór í efsta sæti á matseðli þorsksins.

„Hér eru færabátar og netabátar í einum haug í blíðuveðri og menn eru að fá svakalega flottan fisk,“ sagði Birgir í Morgunblaðinu í dag.„Loðnan hefur verið að skríða inn fyrir Garðskagaflösina og fiskurinn hefur nóg að éta. Ég er búinn að vera í þessu í 40 ár með marga báta og held að síðustu ár hafi aldrei annar eins bingur af fiski gengið hérna inn á svæðið til hrygningar. Við erum búin að safna svo miklum fiski í gegnum árin að það horfir til vandræða.“

Afurð Dags. Meðalverð
Þorskur, óslægður 19.9.18 440,83 kr/kg
Þorskur, slægður 19.9.18 325,00 kr/kg
Ýsa, óslægð 19.9.18 342,50 kr/kg
Ýsa, slægð 19.9.18 306,32 kr/kg
Ufsi, óslægður 19.9.18 97,53 kr/kg
Ufsi, slægður 19.9.18 134,92 kr/kg
Djúpkarfi 28.6.18 87,90 kr/kg
Gullkarfi 19.9.18 179,47 kr/kg
Litli karfi 28.6.18 45,00 kr/kg
Blálanga, óslægð 19.9.18 221,00 kr/kg

Fleiri tegundir »

19.9.18 Sólrún EA-151 Lína
Ýsa 2.039 kg
Þorskur 1.269 kg
Steinbítur 21 kg
Hlýri 15 kg
Samtals 3.344 kg
19.9.18 Hafborg EA-152 Dragnót
Ýsa 2.263 kg
Þorskur 1.630 kg
Skarkoli 120 kg
Karfi / Gullkarfi 95 kg
Steinbítur 26 kg
Ufsi 21 kg
Þykkvalúra / Sólkoli 13 kg
Samtals 4.168 kg
19.9.18 Haförn ÞH-026 Dragnót
Skarkoli 669 kg
Þorskur 411 kg
Steinbítur 60 kg
Ýsa 58 kg
Samtals 1.198 kg

Skoða allar landanir »