Endurskoða fyrirkomulag hrognkelsaveiða

Sjávarútvegs- og landbúnaðarráðherra hefur ákveðið að hefja vinnu við endurskoðun á fyrirkomulagi hrognkelsaveiða, bæði hvað varðar stjórn veiðanna og eins mögulegar aðgerðir til að draga úr meðafla með hrognkelsaveiðum. Þetta kemur fram í tilkynningu frá atvinnuvega- og nýsköpunarráðuneytinu.

Segir þar að umræddri vinnu eigi að ljúka í tíma til að veiðistjórn á næsta tímabili, þ.e. 2019, geti byggst á niðurstöðum hennar.

Ráðherrann gaf í dag út reglugerð um hrognkelsaveiðar fyrir þetta ár, en hún er með sama sniði og á síðasta ári. Er hafinu skipt í sjö veiðisvæði og eru veiðitímabil mismunandi eftir svæðum, en fyrstu veiðar geta hafist 20. mars.

Sjá nýja reglugerð um hrognkelsaveiðar

• Blogga um frétt