Breytt staðsetning til bóta fyrir umhverfið

Sjókvíar í Patreksfirði. Mynd úr safni.
Sjókvíar í Patreksfirði. Mynd úr safni. mbl.is/Kristinn Ingvarsson

Matvælastofnun hefur gefið út breytt rekstrarleyfi fyrir sjókvíaeldisstöðvar Fjarðalax í Patreksfirði. Þetta kemur fram í tilkynningu frá stofnuninni.

Segir þar að rekstrarleyfi Fjarðalax hf., til framleiðslu á laxi í sjókvíum í nýjum stöðvum í Patreksfirði og Tálknafirði, hafi verið gefin út í desember síðastliðnum.

„Í upphafi árs kom í ljós að færa þyrfti til eldissvæði Fjarðalax að Eyri í Patreksfirði vegna straumstefnu fjarðarins. Breyting á staðsetningu eldissvæðanna er til bóta fyrir umhverfið og eldisfiskinn og var það mat Skipulagsstofnunar að breytingin væri ekki háð mati á umhverfisáhrifum,“ segir í tilkynningunni.

Umhverfisstofnun vinni því nú að útgáfu nýs starfsleyfis en ljóst sé að starfsleyfi verði ekki gefið út fyrr en í fyrsta lagi í júlí.

„Vegna áætlana Fjarðalax að setja út seiði í byrjun júní sótti fyrirtækið um undanþágu frá starfsleyfi til umhverfis- og auðlindaráðuneytisins svo unnt væri að gefa út breytt rekstrarleyfi af hálfu Matvælastofnunar með nýrri staðsetningu sjókvía.“

Kröfur í starfsleyfi haldist óbreyttar

Í umsögn Umhverfisstofnunar vegna meðferðar umhverfisráðuneytisins komi fram að breytingin sé ekki líkleg til að auka lífrænt álag í firðinum heldur væri hún til þess fallin að draga úr neikvæðum umhverfisaðstæðum.

„Kröfur í starfsleyfi munu haldast óbreyttar og gerði Umhverfistofnun ekki athugasemdir við að undanþága yrði veitt. Umhverfisráðuneytið veitti í framhaldinu undanþáguna og gildir hún til 1. október 2018.

Matvælastofnun telur að um óverulega breytingu á útgefnu leyfi frá desember 2017 sé að ræða, þar sem eingöngu er um að ræða breytingar á hnitum á einu eldisvæði og dagsetningu áður útgefins leyfis. Breytingin telst á allan hátt jákvæð með tilliti til umhverfis og velferðar fisksins og hefur stofnunin því breytt rekstrarleyfi varðandi staðsetningu kvíar að Eyri í Patreksfirði.“

mbl.is
Afurð Dags. Meðalverð
Þorskur, óslægður 18.6.18 277,18 kr/kg
Þorskur, slægður 18.6.18 304,09 kr/kg
Ýsa, óslægð 18.6.18 297,73 kr/kg
Ýsa, slægð 18.6.18 252,56 kr/kg
Ufsi, óslægður 18.6.18 70,23 kr/kg
Ufsi, slægður 18.6.18 94,16 kr/kg
Djúpkarfi 15.5.18 33,00 kr/kg
Gullkarfi 18.6.18 130,84 kr/kg
Litli karfi 11.6.18 5,00 kr/kg
Blálanga, óslægð 15.6.18 219,00 kr/kg

Fleiri tegundir »

18.6.18 Björn EA-220 Grálúðunet
Grálúða / Svarta spraka 3.495 kg
Hlýri 43 kg
Karfi / Gullkarfi 23 kg
Samtals 3.561 kg
18.6.18 Polar Princess (OYVZ) GL-999 Botnvarpa
Grálúða / Svarta spraka 71.714 kg
Grálúða / Svarta spraka 8.357 kg
Slétti langhali 230 kg
Samtals 80.301 kg
18.6.18 Gestur Kristinsson ÍS-333 Landbeitt lína
Steinbítur 1.523 kg
Þorskur 687 kg
Ýsa 186 kg
Skarkoli 30 kg
Samtals 2.426 kg
18.6.18 Bobby 3 ÍS-363 Sjóstöng
Þorskur 292 kg
Samtals 292 kg

Skoða allar landanir »