36 þúsund tonn af rusli í Barentshafi

Máfur reynir að hefja sig til flugs, umvafinn plastpoka.
Máfur reynir að hefja sig til flugs, umvafinn plastpoka. AFP

„Við finnum rusl og plast bæði með botnvörpum, uppsjávartrollum og einnig á yfirborðinu. Maður vill gjarnan halda að Barentshafið sé hreint hafsvæði, en þar finnum við líka rusl,“ segir vísindamaðurinn Bjørn Einar Grøsvik hjá Hafrannsóknastofnun Noregs.

Um 36 þúsund tonn af rusli er að finna í Barentshafi, og þar af um átta þúsund tonn af plasti og gúmmíi, samkvæmt niðurstöðum rannsóknar sem kynntar voru fyrr á árinu.

Meira finnst af rusli nær strönd Noregs en úti á hafi. „En því miður finnum við rusl á flestum þeim stöðum sem við leitum á,“ segir Bjørn í samtali við Fiskeribladet, en sjálfur hefur hann að undanförnu siglt um Barentshaf og Byfjorden við Björgvin í leit að rusli.

„Við höfum leitað að míkróplasti úti á opnu hafi, og höfum fundið plast af þeirri stærð á yfirborðinu. Okkur vantar hins vegar upplýsingar um smærri agnir.“

Meira finnst af rusli nær strönd Noregs en úti á ...
Meira finnst af rusli nær strönd Noregs en úti á hafi. AFP

Keðjuverkandi áhrif

Bjørn segir magn af plasti í hafinu vera mikið vandamál.

„Ef plastnotkun heldur áfram að aukast með sama hraða og hún hefur gert á síðustu árum, þá erum við komin með nokkuð sem við getum ekki losað okkur við, og sömuleiðis vitum við ekki afleiðingar þess. Það getur verið skaðlegt fyrir hluta af fæðukeðjunni og ef svo verður mun það hafa keðjuverkandi áhrif á aðra hluta fæðukeðjunnar.“

Vísindamaðurinn segist telja að lausnin sé sú að hugsa um hvaða efni við mennirnir notum og hvernig við getum dregið úr losun úrgangs.

„Ef þetta heldur áfram sem horfir, mun plastið byggjast upp og líkurnar á slæmum afleiðingum fyrir sumar tegundir verða miklar.“

mbl.is
Afurð Dags. Meðalverð
Þorskur, óslægður 9.12.18 304,14 kr/kg
Þorskur, slægður 9.12.18 360,79 kr/kg
Ýsa, óslægð 9.12.18 299,73 kr/kg
Ýsa, slægð 9.12.18 292,32 kr/kg
Ufsi, óslægður 9.12.18 127,76 kr/kg
Ufsi, slægður 9.12.18 153,01 kr/kg
Djúpkarfi 6.12.18 307,00 kr/kg
Gullkarfi 9.12.18 325,58 kr/kg
Litli karfi 24.10.18 17,00 kr/kg
Blálanga, óslægð 6.12.18 64,00 kr/kg

Fleiri tegundir »

9.12.18 Finnbjörn ÍS-068 Dragnót
Ýsa 980 kg
Skarkoli 895 kg
Þorskur 261 kg
Ufsi 24 kg
Þykkvalúra / Sólkoli 8 kg
Samtals 2.168 kg
9.12.18 Ásdís ÍS-002 Dragnót
Skarkoli 876 kg
Ýsa 221 kg
Þorskur 175 kg
Þykkvalúra / Sólkoli 10 kg
Samtals 1.282 kg
9.12.18 Fríða Dagmar ÍS-103 Lína
Ýsa 449 kg
Langa 280 kg
Þorskur 113 kg
Karfi / Gullkarfi 15 kg
Ufsi 10 kg
Steinbítur 6 kg
Keila 5 kg
Samtals 878 kg

Skoða allar landanir »