50 fyrirtæki fá 86% kvótans

Ríflega 86% af heildaraflamarki nýs fiskveiðiárs sem hefst í dag fara til 50 fyrirtækja, sem er reyndar 1,7% lægri tala en í fyrra. Alls fá 416 fyrirtæki eða lögaðilar úthlutað veiiheimildum nú eða 44 fleiri aðilar en í fyrra.

Í ár fær HB Grandi í Reykjavík, líkt og í fyrra, mestu úthlutað til sinna skipa eða 8,9% af heildinni. Samherji á Akureyri er þar á eftir með 6,3% og því næst Þorbjörn hf. í Grindavík með 5,5%. Þetta er sama röð efstu fyrirtækja og undanfarin ár.

Mest af aflaheimildum að þessu sinni fer til skipa sem skráð eru í Reykjavík eða 11,7% af heildinni samanborið við 12,3% í fyrra. Grindavík er líkt og unanfarin ár í öðru sæti og fær 11,1% pottinum og bætir við sig 0,3% milli ára. Vestmannaeyjaskip ráða yfir 10,8% kvótans sem er 0,9% frá í fyrra.

Alls úthlutar fiskistofa nú kvóta til alls 540 skipa og báta. Togararnir eru 42, aflamarksskip 115, smábátar með aflamark eru 68 og krókaaflamarksbátar 315.

• Blogga um frétt