Tekið á móti 200 þúsund tonnum

Fiskimjölsverksmiðjan í Neskaupstað tók meðal annars á móti loðnu frá ...
Fiskimjölsverksmiðjan í Neskaupstað tók meðal annars á móti loðnu frá norskum skipum á síðustu loðnuvertíð. Ljósmynd/Hákon Ernuson

Fiskimjölsverksmiðjur Síldarvinnslunnar hafa tekið á móti rúmlega 200 þúsund tonnum af hráefni það sem af er þessu ári. Allt síðasta ár tóku verksmiðjurnar á móti 196 þúsund tonnum.

Þetta kemur fram á vef útgerðarinnar, en þar segir að það sem af er árinu hafi verksmiðjan í Neskaupstað tekið á móti 145.460 tonnum. Þar af sé kolmunni 72.975 tonn, loðna 46.838 tonn, fráflokkaður makríll og makrílafskurður 7.443 tonn og fráflokkuð síld og síldarafskurður 15.993 tonn.

Verksmiðjan á Seyðisfirði hafi þá tekið á móti 46.157 tonnum í ár en þar sé nær eingöngu um kolmunna að ræða. Helguvíkurverksmiðjan hafi enn fremur tekið á móti 10.057 tonnum, þar af er loðna 6.941 tonn og makríll 2.812 tonn.

Mest hráefni í Neskaupstað

Gunnar Sverrisson, rekstrarstjóri fiskimjölsverksmiðjanna, segir að vinnslan í verksmiðjunum hafi gengið mjög vel í ár.

„Verksmiðjan í Neskaupstað fær mest hráefni ekki síst vegna þess að hún tekur við afskurði og því sem flokkast frá í fiskiðjuverinu þar og eins frá vinnsluskipum. Þá berst þangað að sjálfsögðu mikill kolmunni. Fyrir Seyðisfjörð er þetta ár tiltölulega gott miðað við það að þangað barst engin loðna, en kolmunninn sem þangað kom var unninn frá miðjum mars og til maíloka. Hvað Helguvíkurverksmiðjuna varðar þá barst þangað loðna undir lok vertíðar og tengist það hrognavinnslu. Þá barst þangað einnig makrílafskurður frá vinnsluskipum og þá helst frá grænlenska skipinu Polar Amaroq.“

mbl.is
Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,96 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 254,05 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 178,91 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »