„Vonin minnkar með hverjum deginum“

Horft út á haf á síðustu vertíð, þar sem skipin ...
Horft út á haf á síðustu vertíð, þar sem skipin voru að loðnuveiðum. mbl.is/RAX

„Mér líst ekkert á þetta,“ segir Gunnþór Ingvason, framkvæmdastjóri Síldarvinnslunnar, spurður hvernig hann meti líkurnar á því að kvóti verði gefinn út fyrir loðnuveiðar á næstu vikum.

Rétt rúmt ár er síðan Hafrannsóknastofnun lagði til að heildarkvótinn á þeirri loðnuvertíð sem þá stóð yfir yrði 285 þúsund tonn, og bætti þannig 77 þúsund tonnum við upphafskvótann sem gefinn var út haustið 2017. Nú, ári síðar, horfir öðruvísi við og enn hefur enginn loðnukvóti verið gefinn út fyrir yfirstandandi fiskveiðiár. Ástæðan er sú að lítið hefur mælst af loðnu á miðunum við landið.

Virðist vera mjög dreifð

Fimm skip eru við loðnuleit við austan- og norðanvert Ísland, í von um að lágmarksmagn af loðnu mælist, til þess að gefa megi út upphafskvóta. Þorsteinn Sigurðsson, sviðsstjóri uppsjávarsviðs á Hafrannsóknastofnun, sagði við Morgunblaðið í gær að of snemmt væri að slá nokkru föstu. Hann var þó ekki ýkja bjartsýnn á að draga muni til tíðinda við leitina.

Mið þessi, sem nú eru þrædd í leit að loðnu, hafa nokkrum sinnum verið þrædd í vetur í þessu sama skyni. Sagt var frá því í Morgunblaðinu á laugardaginn að sex skip stæðu í ströngu við leit austan við landið og að annar eins fjöldi skipa við þessa iðju væri fáheyrður.

„Menn freista þess núna að halda norður og svo vestur, en það hafa auðvitað verið vísbendingar um að loðnan hafi undanfarin ár verið að koma mun seinna norður en áður. Hún virðist vera mjög dreifð hérna úti fyrir Austurlandi – það er víða loðna en hún virðist ekki vera í neinni samþjöppun og hún hefur ekki mælst í því magni sem þarf til að geta opnað á veiði,“ segir Gunnþór í samtali við 200 mílur.

Afleiðingarnar gífurlegar

Gunnþór segist telja að töluvert vanti upp á magn loðnu ...
Gunnþór segist telja að töluvert vanti upp á magn loðnu í mælingum til að hægt verði að gefa út kvóta.

Aðspurður segist Gunnþór telja að ekki verði gefinn út loðnukvóti í bráð, eins og staðan horfir við honum núna. „Nei, því miður. Ég held að það vanti töluvert upp á það, þó að fiskifræðingarnir viti það eflaust betur en ég. En vonin minnkar með hverjum deginum, það er bara þannig.“

Verði enginn kvóti gefinn út segir hann að afleiðingarnar verði gífurlegar fyrir mörg sjávarútvegsfyrirtæki, fólkið sem hjá þeim starfar og sömuleiðis ríkissjóð.

„Hundrað þúsund tonn af loðnu gefa ríkissjóði sennilega fjóra og hálfan milljarð í beinar tekjur, sem er einn þriðji af jarðgöngunum hérna. Þá er ótalið allt fólkið sem er að vinna við þetta og stólar á veiðarnar. Sjómennirnir og landverkafólkið. Svo eru það sveitasjóðir þessara stærstu uppsjávarplássa. Þetta kemur því mjög víða niður,“ segir hann.

„En, leitin heldur áfram fyrir norðan og vestan og við vonum að það komi eitthvað út úr því.“

mbl.is
Afurð Dags. Meðalverð
Þorskur, óslægður 22.3.19 330,06 kr/kg
Þorskur, slægður 22.3.19 407,71 kr/kg
Ýsa, óslægð 22.3.19 280,05 kr/kg
Ýsa, slægð 22.3.19 273,92 kr/kg
Ufsi, óslægður 22.3.19 83,11 kr/kg
Ufsi, slægður 22.3.19 148,89 kr/kg
Djúpkarfi 11.3.19 109,00 kr/kg
Gullkarfi 22.3.19 237,51 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

22.3.19 Kaldbakur EA-001 Botnvarpa
Ufsi 81.805 kg
Ýsa 6.833 kg
Þorskur 2.797 kg
Karfi / Gullkarfi 1.468 kg
Samtals 92.903 kg
22.3.19 Jónína Brynja ÍS-055 Lína
Þorskur 216 kg
Hlýri 14 kg
Samtals 230 kg
22.3.19 Sjöfn SH-707 Plógur
Ígulker 546 kg
Samtals 546 kg
22.3.19 Fjóla SH-007 Plógur
Ígulker 664 kg
Samtals 664 kg
22.3.19 Einar Hálfdáns ÍS-011 Landbeitt lína
Þorskur 3.716 kg
Steinbítur 2.579 kg
Ýsa 561 kg
Skarkoli 33 kg
Samtals 6.889 kg

Skoða allar landanir »