Leki í báti úti fyrir Hornströndum

Björgunarskip á Ísafirði og Bolungarvík voru kölluð út á áttunda tímanum í morgun vegna báts sem var í vanda þremur sjómílum norður af Kögri á Hornströndum. Leki hafði komið að bátnum í morgun vegna bilunar og þurfti að koma dælum um borð.

Björgunarskipið Kobbi Láka var komið að bátnum um 40 mínútum eftir að útkallið barst með dælur og var þá hafist handa við að dæla sjó úr bátnum. Fram kemur í fréttatilkynningu frá Landsbjörg að dælingin hafi gengið vel og tekist hafi að halda í við lekann.

„Stuttu síðar kom björgunarskipið Gísli Jóns á vettvang með fleiri dælur og þegar búið var að dæla vel af sjó úr bátnum var hann tekinn í tog. Gísli Jóns er nú á leiðinni með bátinn til Bolungarvíkur í fylgt Kobba Láka,“ segir í tilkynningunni.

• Blogga um frétt