Jón Ingvar trillukarl ársins

Við opnun sjávarútvegssýningarinnar í Laugardalshöll í dag voru veitt þrenn verðlaun.

Landssamband smábátaeigenda veitti Jóni Ingvari Hilmarssyni viðurkenningu sem trillukarl ársins. Jón Ingvar er frá Djúpavogi og hefur róið á strandveiðum síðastliðinn átta ár. Lauk hann síðasta strandveiðitímabili með aflameti sem nam 52,4 tonnum, en bátur hans Birta SU-36 rúmar aðeins um fjórar brúttólestir.

Samtök fyrirtækja í sjávarútvegi veittu Þorbirni í Grindavík verðlaun fyrir áherslu sína á öryggis- og heilbrigðismál starfsmanna. Árangurinn var sagður meðal annars endurspeglast í mikilli fækkun slysa, bæði til sjós og lands.

Greenvolt hlaut viðurkenningu Íslenska sjávarklasans „Frumkvöðull ársins“. Fyrirtækið hefur átt gott gott samstarf við skipaverkfræðifyrirtækið Navis í Húsi sjávarklasans við að þróa umhverfisvæna orkulausn fyrir línubáta.

Steingerður Steinarsdóttir afhenti verðlaunin við hátíðlega athöfn.

• Blogga um frétt