„Þetta er vonandi að ganga saman“

Samkvæmt áætlun er stefnt að því að Víkingur AK 100 haldi til veiða á mánudag, segir Ingimundur Ingimundarson, útgerðarstjóri uppsjáfarskipa hjá Brim, í samtali við 200 mílur „Þetta er vonandi að ganga saman.“

Víkingur, togari Brims, hefur verið í slippnum á Akureyri í um tvær vikur eftir að sprunga uppgötvaðist milli vélar og gírs.

Ingimundur telur að fjarvera Víkings frá veiðum mun ekki hafa neikvæð áhrif á afköst félagsins á haustvertíðinni. „Venus er búin að vera að á meðan og við teljum okkur ná okkar kvóta þegar Víkingur kemur inn í næstu viku. Venus er úti núna, ég held þetta sé alveg að koma hjá okkur. Hljótum að fá einhverja tíu fimmtán daga í síld og þá erum við búnir að græja þetta,“ útskýrir hann.

Frétt af mbl.is

Jöfn og góð síldveiði

• Blogga um frétt