Brim hf. hefur gert samning um kaup á tveimur fyrirtækjum í Hafnarfirði, Fiskvinnslunni Kambi hf. og útgerðarfélaginu Grábrók ehf., að því er segir í tilkynningu frá Brimi. Heildarupphæð kaupanna nemur rétt rúmum þremur milljörðum króna, 2,3 milljörðum fyrir Kamb og 772 milljónum fyrir Grábrók.

Greitt verður að hluta fyrir Kamb með hlutabréfum í Brimi hf. sem eru í eigu félagsins og nema um 1% af heildarhlutafé Brims að verðmæti um 835 milljónir króna.

Fiskvinnslan Kambur gerir út krókabátinn Kristján HF 100 og fylgir honum um 2.000 tonna krókaaflamark að mestu í þorski. Þá rekur fyrirtækið tæknivædda fiskvinnslu í eigin húsnæði við Óseyrarbraut í Hafnarfirði sem er búin meðal annars nýrri vinnslulínu og vatnsskurðarvél frá Völku hf. sem var tekin í notkun á síðasta ári.

Frétt af mbl.is

Nýta röntgentækni við vatnsskurð

Kambur keypti fiskvinnsluna af Eskju árið 2017 og flutti starfsemina í annað húsnæði, en við þær breytingar sem fylgdu eigendaskiptunum voru það aðeins fjórðungur þeirra 20 starfsmanna fyrirtækisins sem héldu vinnu sinni.

Frétt af mbl.is

Breytingar hjá Eskju og Kambi

Grábrók ehf. gerir út krókabátinn Steinunni HF 108 sem var smíðaður árið 2007. Honum fylgir um 850 tonna krókaaflamark að mestu í þorski.

Háð skilyrðum

Samkomulagið um kaup Brims á félögunum tveimur er háð eðlilegum fyrirvörum um fjármögnun, samþykki stjórnar Brims hf. og samþykki Samkeppniseftirlits og eftir atvikum annarra eftirlitsaðila. Gangi kaupin eftir fer Brim yfir lögbundið kvótaþak í krókaaflamarki en hefur lögum samkvæmt 6 mánuði til að gera ráðstafanir sem koma félaginu undir það þak.

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt