Útgerðarfélag Reykjavíkur, sem er að meirihluta í eigu Guðmundar Kristjánssonar, hefur selt 30 milljón hluti í útgerðarfélaginu Brimi, sem áður hét HB Grandi og skráð er í Kauphöllinni. Útgerðarfélagið er eftir sem áður stærsti eigandi Brims, en Guðmundur er einnig forstjóri Brims.

Greint er frá viðskiptunum í tilkynningu til Kauphallarinnar, en þau áttu sér stað á genginu 38,5 krónur á hlut og er heildarverðmæti þeirra 1,155 milljarðar, en það jafngildir um 1,53% af hlutafé félagsins.

Eftir viðskiptin eiga Útgerðarfélag Reykjavíkur, Guðmundur og fjárhagslega tengdir aðilar 874.870.977 hluti í Brim, en það nemur 44,73% í félaginu.

Í síðustu viku var greint frá því að Guðmundur og Hjálmar Kristjánsson, bróðir Guðmundar og eigandi KG fiskverkunar, hefðu slitið fjárhagsleg tengsl sín með sölu KG fiskverkunar á hlut sínum í Útgerðarfélagi Reykjavíkur. KG fiskverkun á hins vegar áfram um 6,5% hlut í Brim.

Frétt af mbl.is

Eignarhald Hjálmars og Guðmundar aðskilið

Hlutabréf Brims hafa lækkað um 2,75% í viðskiptum í Kauphöllinni í dag, en auk viðskipta ÚR hafa átt sér viðskipti fyrir um 100 milljónir. Stendur gengi hlutabréfanna núna í 38,9 krónur á hlut.

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt