Afli í fyrstu veiðiferð ísfisktogarans Gullvers NS nam 95 tonnum, nánast eingöngu þorskur. Gullver kom tilhafnar á Seyðisfirði í gærkvöldi og hafði verið að veiðum frá 2. janúar. Þá hafi leiðindaveður einkennt túrinn og vegna veðurhorfa er ekki gert ráð fyrir að Gullver haldi til veiða á ný fyrr en annað kvöld, að því er fram kemur á vef Síldarvinnslunnar.

Þá segir að áhöfnin hafi orðið var við loðnum í fisknum sem veiddist.

„Vinnsla í frystihúsinu á Seyðisfirði hófst í gær að afloknu jóla- og áramótafríi. Til að byrja með var unninn ufsi en síðan verður unninn þorskur úr Gullver. Á árinu 2019 voru unnin 2.800 tonn af fiski í frystihúsinu á Seyðisfirði og er það svipað magn og unnið hefur verið þar síðustu árin,“ segir á vef Síldarvinnslunnar.

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt