Litlar líkur á loðnuveiði
Setja bókamerki
„Það má segja að þetta hafi verið vonbrigði. Á heildina litið var þetta lítið magn sem við vorum að sjá en við erum ekki búnir að vinna úr gögnunum þannig að það er ekki komin lokaniðurstaða. En ég get alveg sagt það hér og nú að okkar mat er að þetta var ansi lítið sem við vorum að sjá og ekki líklegt að það verði gefin ráðgjöf um veiðar byggt á þessari mælingu.“
Þetta segir Birkir Bárðarson fiskifræðingur í samtali við mbl.is. Hann var leiðangursstjóri í viðamikilli leit að loðnu sem fimm skip tóku þátt í á dögunum.
„Þetta var krefjandi, það voru erfiðar veðuraðstæður og við lentum líka í hindrunum út af ís. Við fórum frá Kaldbaksgrunni fyrir suðaustan land og leituðum fyrir Austfjörðum, Norðausturlandi og vestur fyrir Vestfirði,“ segir hann.
Meira af loðnu vestur af landi
Heilt yfir bar leitin lítinn árangur en stöku torfur sáust fyrir austan og fyrir norðausturlandi. Fyrir vestan, um 30 mílur vestan við Kolbeinseyjarhrygg, fannst meira af loðnu en þó ekki mikið magn.
Það stendur þó ekki til að leggja árar í bát því önnur leit mun fara fram í byrjun febrúar og þá mun endanlega koma í ljós hver staðan er.
Leita aftur í febrúar
„Þá fyrst munum við fá almennilegt mat á það hvort að þessi mæling var góð eða ekki. Við vorum bæði að glíma við stuttan veðurglugga núna og íshindranir þannig að það kemur ekki í ljós fyrr en í febrúar,“ útskýrir Birkir og bætir við:
„Það er einn árgangur sem er uppistaðan í veiðinni á hverri vertíð og við erum búnir að mæla þennan árgang, það er 2017 árgangurinn, fyrst haustið 2018 sem ungloðnu og þá mældist hann mjög lítill. Svo aftur núna síðasta haust sem tveggja ára loðnu og það gaf líka lítið magn þannig að vísbendingarnar gefa ekki tilefni til bjartsýni.“
Birkir segir loðnuna þó þannig að hún geti komið á óvart og það verði að koma á daginn í febrúar.
„Umsátursástand“
Banna mengandi búnað sem leyfður er á Íslandi
Shakespeare fannst í skókassa
Skar höfuðleðrið af íslenskri konu
„Höfum ekki náð að skríða upp úr þeirri gryfju“
Sex hafa greinst með listeríu
Telur forsendur fyrir vaxtalækkun
/frimg/1/48/74/1487454.jpg)
Heldur inn í nóttina tuttugu kílóum léttari