HÍ og Hafró semja um nýtt nám í fiskifræðum

Háskóli Íslands og Hafrannsóknastofnun hafa gert með sér samkomulag um samvinnu um nýja námsleið í sjávar- og vatnalíffræði með áherslu á fiskifræði.

Verður hún í boði frá og með næsta hausti við Líf- og umhverfisvísindadeild Háskólans.

Í tilkynningu um samninginn segir m.a. að hin nýja námsleið treysti enn frekar samstarf stofnananna tveggja. Um er að ræða tveggja ára meistaranám, sem kjörsvið innan líffræði við Háskóla Íslands, sem er byggt að jöfnum hluta á námskeiðum (60 einingar) og rannsóknarverkefni (60 einingar).