Ákveðið hefur verið að fresta sjávarútvegssýningunni, Icefish, sem átti að fara fram í Fífunni í Kópavogi í september um eitt ár vegna áhrifa kórónuveirufaraldursins og þeirrar óvissu sem ríkir um ferðalög og samkomur, að því er segir í fréttatilkynningu frá skipuleggjendum. Rúmlega 13 þúsund gestur sóttu sýninguna 2017, en hún er haldin á þriggja ára fresti.

„Okkur þykir miður að þurfa að taka þessa ákvörðun, en við teljum að þessi niðurstaða sé besti valkosturinn andspænis afleiðingum Covid-19,“ segir Marianne Rasmussen-Coulling, viðburðastjóri Mercator Media, í tilkynnigunni.

Áður höfðu skipuleggjendur tilkynnt að þeir hyggðust leita allra leiða til þess að halda sýninguna en segja nú að ákveðið hafi verið að hún fari fram 15. til 17. september 2021.

Frétt af mbl.is

Staðráðin í að halda sjávarútvegssýningu í september

„Í ljósi takmarkana á ferðalög á heimsvísu og þeirra áhrifa sem kröfur um fjarlægðartakmarkanir munu hafa á sýningarhald, hefur skipulagsteymið hjá Mercator Media að undanförnu skoðað aðra valkosti og kannað viðhorf sýnenda. Þessu til viðbótar ríkir óvissa um hvort yfirvöld grípi til frekari aðgerða og takmarkana, bæði á Íslandi og annars staðar í heiminum. Öll vildum við gjarnan að ástandið væri annað, en í ljósi kringumstæðna teljum við að besti kosturinn fyrir sýnendur og gesti sé að fresta sýningunni til 2021,” útskýrir Rasmussen-Coulling.

Tregari til að mæta

Rasmussen-Coulling segir sýninguna vera einmitt til þess gerða að fólk hittist í návígi. „Flest bendir til að það sem eftir lifir árs 2020 verði sýnendur og gestir tregari til að mæta, þeir hafa þungar áhyggjur af ferðalögum og óttast jafnvel að tefla öryggi sínu í tvísýnu. Þó svo að margir viðskiptavinir okkar treysti á Icefish í rekstri sínum erum við mjög meðvituð um þau úrræði og tímalega skuldbindingar sem þessu tengjast og viljum ekki að niðurstaðan verði málamiðlun sem engum hugnast fyllilega.”

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt