Stjórn útgerðarfélagsins Brims hf. ákvað á fundi sínum í dag að fjárfesta i grænlenska sjávarútvegsfyrirtækinu Arctic Prime Fisheries Aps. Fjárfesting Brims er um 85 milljónir evra (13,3 ma.kr.) í formi hlutafjárkaupa, fjármögnunar og skipakaupa og mun félagið eignast 16,5% hlut í grænlenska félaginu. Ákvörðunin er tekin í kjölfar stofnunar dótturfyrirtækis Brims á Grænlandi fyrr á árinu.

Í tilkynningu frá Brimi segir að markmið fjárfestingarinnar sé að breikka grundvöll starfsemi fyrirtækisins og efla samstarf við Arctic Prime Fisheries á Suður-Grænlandi um veiðar. Arctic Prime Fisheries var stofnað árið 2006 og stundar bæði veiðar og vinnslu á Suður- og Austur-Grænlandi. Aflaheimildir félagsins nema um 10.000 tonnum af botnfiski, einkum þorski en einnig krafa og grálúðu, auk 18.000 tonna af uppsjávarfiski, makríl og síld.

Til þess fallið að auka verðmæti Brims

Fyrirtækið hefur fram tl þessa gert út einn frystitogara og eitt línuskip auk þess að starfrækja fjórar fiskvinnslur og er það eina fyrirtækið sem stundar landvinnslu sjávarafurða á austurströnd Grænlands. Samhliða kaupunum mun Brim selja félaginu núsmíðaðan frystitogara, Illiveq, en hann var afhentur frá skipasmíðastöð á Spáni í maí.

„Við teljum það hagstætt og til þess fallið að auka verðmæti Brims, að taka þátt í því, ásamt Grænlendingum, að nýta þau tækifæri sem felast í þróun sjávarútvegs á Suður- og Austur-Grænlandi. Sú þekking og reynsla sem starfsfólk Brims og Arctic Prime Fisheries búa yfir er vel til þess fallin að auka og efla samstarf þessara nágranna- og vinaþjóða á sviði sjávarútvegs.” er haft eftir Kristjáni Þ. Davíðssyni, stjórnarformanni Brims í tilkynningu.

Tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt