Bjarni Ólafsson AK, skip útgerðarinnar Runólfs Hallfreðssonar, kom til hafnar í Neskaupstað í gær með um 960 tonn af makríl, en Bjarni kemur úr Síldarsmugunni, eða rúmlega 300 mílna leið frá Neskaupstað.

Á vef Síldarvinnslunnar kemur fram að skip hafi verið að taka 150-250 tonna hol eftir að veiði glæddist á miðvikudaginn. Haft er eftir Þorkeli Péturssyni, stýrimanni á Bjarna, að eftir talsverða leit hafi loksins fundist blettur þar sem veiði var að hafa. Makríllinn hafi verið heldur minni en áður fékkst, eða um 450 grömm að meðaltali á móti 500 grömmum áður.

Auk íslenskra skipa voru þarna einnig rússnesk og grænlensk skip við veiðar.

Beitir NK er svo næsta skip sem dælt er um borð í í Síldarsmugunni sem landar hjá Síldarvinnslunni. Allavega fimm önnur skip eru nú að veiðum á svæðinu og nokkur einnig á leiðinni þangað.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

• Blogga um frétt