Kjaraviðræður skipverja Herjólfs sigldar í strand
Setja bókamerki
Hvorki gengur né rekur í viðræðum samninganefnda Sjómannafélags Íslands og Herjólfs ohf. í kjaradeilu skipverja Herjólfs. Sáttafundi, sem hófst klukkan tíu í morgun, lauk nú rétt fyrir hádegi í dag og niðurstaðan var sú að óska eftir því að ríkissáttasemjari taki að sér að leiða viðræðurnar.
Þetta staðfestir Jónas Garðarsson, formaður samninganefndar Sjómannafélags Íslands, í samtali við mbl.is.
Kjaradeilan hefur nú staðið yfir í þó nokkurn tíma, með hléum þó, og var henni vísað til ríkissáttasemjara í febrúar síðastliðnum þó að lítið hafi verið um fundi á þeim vettvangi að sögn Jónasar. Nú er hins vegar ljóst að aðkomu sáttasemjara er þörf.
Náðu ekki saman á grundvelli viðræðuáætlunar
Sjómannafélag Íslands boðaði þrjár vinnustöðvanir í júlí en áður en sú þriðja hófst ákvað félagið að hverfa frá henni og deiluaðilar samþykktu viðræðuáætlun.
„Menn eru búnir að funda í tvígang um hana og niðurstaðan er sú að menn ná ekki saman á þeim grundvelli þannig að ríkissáttasemjari þarf að koma að málum og leiða menn í gegnum þetta,“ segir Guðbjartur Ellert Jónsson, framkvæmdastjóri Herjólfs ohf., í samtali við mbl.is.
Fréttin hefur verið uppfærð.
/frimg/1/9/74/1097465.jpg)
/frimg/1/21/86/1218696.jpg)
Sláandi tölur kalla á djúpa greiningu
Ísland orðið of dýrt
Lögregla handtók mann sem reyndist eftirlýstur
Skipulagði aðgerðir fyrir Ólympíuleikana
Segir PISA-niðurstöðurnar endurspegla menntakerfið
„Þú ert bara orðin miðaldra kona“
Segir afsökun Microsoft lélega
Stafræna byltingin étur börnin sín