Heiðar Örn: „Það er ljótt að stela“
Setja bókamerki
„Við höfum ekki áhuga á að þeir nýti efnið okkar án leyfis og við erum að reyna að standa vörð um okkar starfsfólk gegn áróðursmaskínunni sem þarna er verið að nota,“ segir Heiðar Örn Sigurfinnsson, varafréttastjóri fréttastofu Ríkisútvarpsins, í samtali við 200 mílur um kröfu RÚV um að myndband Samherja, þar sem vinnubrögð RÚV eru gagnrýnd, yrði fjarlægt af Facebook og Samherji léti af notkun hljóð- og myndefnis frá RÚV.
Hann segir málið í rauninni einfalt, myndefni frá Ríkisútvarpinu hafi verið notað án leyfis. „Það er óheimilt og ólöglegt að taka myndefni og setja á netið án þess að fá leyfi fyrir því. Og það er ljótt að stela,“ segir Heiðar Örn.
Fullyrðingar Samherja af og frá
Heiðar Örn segir enn frekar fullyrðingar Samherja um ritskoðun á gagnrýni vera af og frá. „Þeim er fullkomlega frjálst að gagnrýna okkar fréttaflutning og/eða efnistök. Það að við höfum ekki sagt í aðalfréttatíma sjónvarps frá því að Økokrim hafi vísað máli DNB frá er kannski fyrst og fremst vegna þess að máli DNB er ekki lokið. Það er enn til meðferðar hjá norska fjármálaeftirlitinu. Og eins og ég segi, það er af og frá að við séum að ritskoða þeirra gagnrýni.“
Heiðar Örn segist ekki þekkja til sambærilegra mála þar sem fréttastofa RÚV hefur farið fram á að efni verði tekið úr dreifingu vegna höfundarréttamála. Þá segir hann að samkvæmt upplýsingum frá safnadeild RÚV hafi allt efni sem óskað var eftir leyfi fyrir vegna nýjasta myndbands Samherja, verið myndefni sem ekki hafði fengist leyfi fyrir áður.
Hafna frekari beiðnum
„Við á fréttastofunni höfum oft fengið óskir um leyfi fyrir að efni frá okkur sé notað. Við setjum alls konar skilyrði fyrir því ef við veitum slíkt leyfi. Við veitum ekkert leyfi fyrir hvaða notkun á efninu sem er heldur. Það er alveg ljóst í hvaða tilgangi Samherji er að reyna að fá að nýta þetta myndefni, þeir eru að búa til áróðursmyndbönd. Og þeir mega alveg búa til áróðursmyndbönd en við erum líka að standa vörð um okkar starfsfólk. Sem þeir beina þessum áróðri gegn,“ segir Heiðar Örn. Hann bætir því við að til séu fordæmi þess að beiðnum um notkun á efni frá Ríkisútvarpinu hafi verið synjað.
Aðspurður hvort hann muni ekki veita Samherja leyfi á notkun efnis í framtíðinni segir Heiðar Örn að hann hugsi að hann muni hafna frekari beiðnum.
„Við höfum beðið safnadeildina um að láta okkur vita af því ef Samherji óskar eftir myndefni í frekari myndbandagerð, til þess að geta tekið afstöðu til þess. [...] Þetta eru ný vinnubrögð.“
Kveikur fjallar áfram um Samherja
Fram hefur komið, bæði á heimasíðu Samherja og á síðu Kveiks á Facebook að þáttur kvöldsins muni fjalla um Samherja, umsvif fyrirtækisins í Kýpur og rannsókn á málum því tengdu á Íslandi, Namibíu og Kýpur.
Sjá má stiklu úr þætti kvöldsins hér:
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
„Umsátursástand“
Skemmtiferðaskip hætt komið nærri Viðey
Skiptir miklu meira máli en fólk grunar
Kaldasti veturinn kom að óvörum
Væri að ljúga ef ég segðist ekki stressaður