Kristján kjörinn í stjórn MSC

Kristján Þ. Davíðsson, stjórnarformaður Brims, hefur tekið sæti í Marine Stewardship Council (MSC). Þetta kemur fram í tilkynningu frá MSC. 

Þar segir einnig að Brim hefur vottun frá MSC fyrir starfsemi sína. 

Stjórnarmenn eru kjörnir eftir persónulegu hæfi þeirra, ekki sem fulltrúar samtaka eða fyrirtækja. Skipan er til þriggja ára í senn. 

Kristján tekur sæti í stjórn sem losnar við brottfall Eric Barratt, fyrrverandi forstjóra sjávarútvegsfyrirtækisins Sanford í Nýja Sjálandi sem setið hefur í stjórn MSC frá árinu 2014. 

„Skipan Kristjáns í stjórnina tryggir áframhaldandi jafnvægi innan hennar milli sjávarútvegs, vísinda, frjálsra félagasamtaka, smásala og annarra sviða,“ segir í tilkynningu.

Um feril Kristjáns segir í tilkynningu: 

„Kristján er stjórnarformaður Brims sem er leiðandi fyrirtæki í sjávarútvegi á Íslandi. Fyrirtækið hefur vottun MSC fyrir starfssemi sína. Kristján hóf starfsferil sinn sem fiskverkamaður og sjómaður en hefur síðan gengt ýmsum störfum í sjávarútvegi og tengdum greinum.

Hann hefur meðal annars starfað sem forstjóri Granda, (nú Brim), sem framkvæmdastjóri Landssambands fiskeldisstöðva , sem fulltrúi North Atlantic Seafood Forumá Íslandi og sem stjórnarformaður Corporación Pesquera Inca SA í Perú.

Kristján er menntaður í sjávarútvegsfræðum frá Háskólanum í Tromsö í Noregi og hafði áður öðlast skipstjórnarréttindi við Stýrimannaskólann. “

• Blogga um frétt