Varðskipið Freyja og dráttarbáturinn Hamar hafa verið kölluð út vegna erlends fiskiskips sem strandaði við Gerðistanga undan Vatnsleysuströnd í kvöld. 19 manns eru um borð.

Þetta kemur fram í tilkynningu Landhelgisgæslunnar.

Stjórnstöð Landhelgisgæslunnar barst tilkynning um strandið klukkan sjö og voru Freyja og Hamar kölluð út ásamt þyrlu Landhelgisgæslunnar sem fór í loftið til að kanna aðstæður á strandstað. 

Aðstæður á vettvangi eru ágætar og aflandsvindur, að því er fram kemur í tilkynningunni.

Umhverfisstofnun og lögreglu hefur verið gert viðvart.

Tengdar fréttir

Strand Masilik

Strandaði vegna aðgæsluleysis og vanrækslu

• Lögreglan enn með strand Masilik til rannsóknar
• Skipverjar Masilik fengu stöðu sakbornings
• Áhættusamt að færa Masilik vegna leka
• Rannsókn hafin á strandi Masilik

» Fleiri tengdar fréttir

• Blogga um frétt