Umfangsmikil skimun á starfsfólki Brims fór fram í dag en hver einasti starfsmaður fyrirtækisins var skimaður með hraðprófi. Guðmundur Kristjánsson, forstjóri Brims, segir þetta öryggisaðgerð fyrir fyrirtækið.

Blaðamaður heyrði í Guðmundi og spurði hann út í málin. Var hann þá staddur niðri á bryggju og heyrðist vel að nóg var við að vera hjá forstjóranum.

„Já við ákváðum að skima bara alla, hvern einasta kjaft. Bæði sjómenn og starfsfólk sem vinnur í húsinu.“

Þá hafi einnig verktakar sem vinna fyrir fyrirtækið verið skimaðir. Tvær konur sem unnið hafa lengi hjá fyrirtækinu tóku verkefnið að sér að sögn Guðmundar en notast var við hraðpróf í skimuninni.

Spurður hvort kæmi til greina að gera þetta aftur á komandi vikum segir hann: „Blessaður, ég hef ekki hugmynd um það. Einn dag í einu bara.“

Þar við sat og var blaðamaður ekki búinn að sleppa tólinu þegar Guðmundur var farinn að stýra mönnum á bryggjunni.

Höfuðstöðvar Brims. mbl.is/Hari

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Brim

Brim fjárfesir í vistvænum krapavélum

• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns
• 3,8 milljarða hagnaður á þriðja ársfjórðungi

» Fleiri tengdar fréttir

• Blogga um frétt