Heil tvö tonn af slægðum laxi frá Arctic Fish voru seld á fiskmörkuðum í gær fyrir 1,9 milljónir króna eða 921,7 krónur á kíló. Um er að ræða fyrsta sinn sem fyrirtækið býður lax til sölu á innlendum fiskmörkuðum, en fiskeldisfyrirtækin selja fyrst og fremst afurðir sínar á erlenda markaði og oft í gegnum eigin sölufélög.

Bjarni Rúnar Heimisson, framkvæmdastjóri Reiknistofu fiskmarkaðanna (RSF), segir ekki hafa verið seldur lax á fiskmörkuðum að neinu ráði fyrr en í gær. „Vonandi er þetta samt byrjunin á einhverju þar sem oftast nær eru kaupendur á laxi á Íslandi einnig að kaupa hvítfisk hjá okkur og eru þá á uppboðinu og með fiskkaupaábyrgð, svo við teljum að sala á laxi í gegnum markaði ætti þá að vera ákjósanleg leið fyrir alla hlutaðeigandi,“ segir hann.

Kveðst Bjarni Rúnar binda vonir við að þetta verði algengara í framtíðinni. „Í gær voru seld tvö tonn, kaupendur hefðu einnig getað valið úr þessu og keypt til dæmis bara einn kassa – sem er um það bil 23 kíló – svo þetta hefði vel getað hentað stórum sem smáum kaupendum.“

Tengdar fréttir

Fiskeldi

„Enginn flokkur tekið málið í fangið“

• Strokulaxar setja mark sitt á laxveiðiár
• Eldisrisi fjárfestir milljörðum í þekkingu
• 5.196 laxar hafi sloppið úr landeldisstöð
• Strokulöxum fækkar í norskum ám

» Fleiri tengdar fréttir

• Blogga um frétt