Útgerðir í Grindavík velja sumar að þrauka
Setja bókamerki
Útgerðir í Grindavík hafa valið eða verið knúnar til að velja mismunandi nálgun til framtíðarinnar vegna þeirra hamfara sem herjað hafa á bæinn, að því er fram kemur í umfjöllun Morgunblaðsins.
Á meðan Stakkavík hefur gripið til uppsagna 47 starfsmanna í landi og Vísir hefur tekið 130 af launaskrá, stefna Einhamar og Þorbjörn á að geta hafið vinnslu á ný í Grindavík.
Pétur H. Pálsson, framkvæmdastjóri Vísis, segir byrjað að fá fisk inn í húsnæði sem félagið hefur tekið í notkun í Helguvík en þar er ætlað að sinna saltfiskvinnslu félagsins.
„Við erum byrjuð og erum farin að fá fisk, allt gengur eftir plani. Við þurfum bara að kalla eftir meiri fiski hvað úr hverju. Nú er búið að tryggja allar vélar, opna kaffistofuna og moka út dóti, þetta er allt að taka á sig mynd. Það er mikið lagt á fólk, unnið í hverju horni við að græja og gera,“ segir Pétur.
Gunnar Tómasson framkvæmdastjóri Þorbjarnar segir lítinn hóp starfsmanna hafa verið í Grindavík að bjarga saltfiski úr vinnsluhúsi félagsins og pakka til útflutnings. Hann segir ekki vera nein áform um að koma vinnslubúnaði félagsins út úr Grindavík. „Við erum ennþá bjartsýnir.“
Nánar er fjallað um stöðu grindvískra útgerða í Morgunblaðinu í dag.
Dagbjört dæmd í 10 ára fangelsi fyrir líkamsárás
Umboðsmaður barna krefur ráðherra um svör
Fjöldi tungumála áskorun
Kerfið féll á prófinu
Ísland orðið of dýrt
„Þú ert bara orðin miðaldra kona“
Sláandi tölur kalla á djúpa greiningu
Leitaði að upplýsingum um Kennedy-morðið