Lengsti kjarasamningur Íslandssögunnar

Valmundur Valmundsson, formaður Sjómannasambands Íslands, er ánægður með nýjan kjarasamning …
Valmundur Valmundsson, formaður Sjómannasambands Íslands, er ánægður með nýjan kjarasamning sem hlaut afgerandi meirihluta í atkvæðagreiðslu. mbl.is/Kristinn Magnússon

„Þetta er mjög góð tilfinning, að vera með samþykktan samning á bakinu – ekki felldan eins og í fyrra,“ segir Valmundur Valmundsson, formaður Sjómannasambands Íslands, en sjómenn samþykktu kjarasamning sinn með tæpum 63 prósentum atkvæða í tæplega 54 prósenta kjörsókn og gildir nýsamþykktur samningur frá áramótum.

Aðspurður kveðst Valmundur hafa búist við samþykkt samningsins fyrir fram en ekki að hún yrði svo afgerandi sem raun ber vitni. Kveður hann kjörsóknina svipaða og verið hafi síðustu ár í atkvæðagreiðslum sambandsins.

Samningstíminn er níu ár og játar Valmundur spurningu blaðamanns um hvort þar sé kominn lengsti kjarasamningur Íslandssögunnar í gildistíma talið. „Já, ef hann verður í gildi í níu ár verður hann það örugglega,“ segir formaðurinn, en samningnum má segja upp eftir fimm ár, aftur eftir sjö ár og svo árlega eftir það.

Sjómenn nú með sömu lífeyrisréttindi og aðrir

Valmundur vill færa sjómönnum kærar þakkir auk þeirra sem unnu með sambandinu að samningsgerðinni. „Þetta er alveg frábært og sjómenn eru núna að tryggja sér til framtíðar það sem aðrir hafa haft lengi, til dæmis lífeyrissjóðinn,“ segir Valmundur og er beðinn að tíunda höfuðatriði samningsins.

„Ja, við getum sagt það að nú eru sjómenn komnir með sömu lífeyrisréttindi og aðrir landsmenn auk þess sem veikindarétturinn er styrktur verulega hjá sjómönnum sem eru í skiptimannakerfunum, við erum að tryggja þeim fjóra mánuði á samfelldum hlut,“ segir Valmundur frá.

Annað atriði samningsins, sem hann segir í raun ekki marga vita af, er breyting á stærðarmælingum skipa til að máta þau inn í kjarasamninginn. „Það hefur verið gert í brúttórúmlestum hingað til en sú mælieining er ekki lengur til svo við mælum núna í lengdarmetrum skipanna. Þá gengur mun betur að stilla skipunum inn í samninginn og ákvarða á hvaða skiptakjörum menn eiga að vera,“ útskýrir formaðurinn.

Kostnaðarhlutdeild hverfur á braut

Þá nefnir hann að sjómenn séu lausir við hlutdeild í olíukostnaði og sé það gert með svokallaðri núllaðgerð. „Nú erum við lausir við allt sem heitir kostnaðarhlutdeild og þurfum ekkert að hugsa um það meira, nú geta sjómenn sótt beint á eina skiptaprósentu í staðinn fyrir tvær ef menn vilja það,“ segir Valmundur og bætir því við að nýtt kerfi horfi til mikillar einföldunar.

Kauptrygging sjómanna hækkar um 130.000 krónur og fer þar með í 454.000 króna lágmarkslaun og tímakaupið hækkar til jafns við það hlutfallslega hjá þeim sem vinna á tímakaupi. „Það var löngu kominn tími á að hækka þetta, föstu launaliðirnir hafa ekki hækkað síðan 2019,“ segir Valmundur.

Launahækkanir á samningstímabilinu, það er fastir kaupliðir, fylgja taxta Starfsgreinasambandsins. „Við erum beintengdir við Starfsgreinasambandið með hækkanir þar og þurfum ekki að semja um þær,“ segir Valmundur Valmundsson að lokum.

mbl.is
Fleira áhugavert
Afurð Dags. Meðalverð
Þorskur, óslægður 21.4.24 331,33 kr/kg
Þorskur, slægður 21.4.24 454,78 kr/kg
Ýsa, óslægð 21.4.24 425,56 kr/kg
Ýsa, slægð 21.4.24 289,67 kr/kg
Ufsi, óslægður 21.4.24 192,45 kr/kg
Ufsi, slægður 21.4.24 266,40 kr/kg
Djúpkarfi 9.4.24 38,00 kr/kg
Gullkarfi 21.4.24 172,96 kr/kg
Litli karfi 19.4.24 7,00 kr/kg
Blálanga, óslægð 19.4.24 169,00 kr/kg

Fleiri tegundir »

21.4.24 Björgvin EA 311 Botnvarpa
Karfi 5.170 kg
Þorskur 1.997 kg
Ýsa 1.872 kg
Samtals 9.039 kg
21.4.24 Jóhanna ÁR 206 Plógur
Sæbjúga Au F 26.145 kg
Samtals 26.145 kg
21.4.24 Bobby 4 ÍS 364 Sjóstöng
Þorskur 122 kg
Samtals 122 kg
21.4.24 Bobby 6 ÍS 366 Sjóstöng
Þorskur 149 kg
Samtals 149 kg
20.4.24 Ás NS 78 Grásleppunet
Grásleppa 1.885 kg
Þorskur 558 kg
Samtals 2.443 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 21.4.24 331,33 kr/kg
Þorskur, slægður 21.4.24 454,78 kr/kg
Ýsa, óslægð 21.4.24 425,56 kr/kg
Ýsa, slægð 21.4.24 289,67 kr/kg
Ufsi, óslægður 21.4.24 192,45 kr/kg
Ufsi, slægður 21.4.24 266,40 kr/kg
Djúpkarfi 9.4.24 38,00 kr/kg
Gullkarfi 21.4.24 172,96 kr/kg
Litli karfi 19.4.24 7,00 kr/kg
Blálanga, óslægð 19.4.24 169,00 kr/kg

Fleiri tegundir »

21.4.24 Björgvin EA 311 Botnvarpa
Karfi 5.170 kg
Þorskur 1.997 kg
Ýsa 1.872 kg
Samtals 9.039 kg
21.4.24 Jóhanna ÁR 206 Plógur
Sæbjúga Au F 26.145 kg
Samtals 26.145 kg
21.4.24 Bobby 4 ÍS 364 Sjóstöng
Þorskur 122 kg
Samtals 122 kg
21.4.24 Bobby 6 ÍS 366 Sjóstöng
Þorskur 149 kg
Samtals 149 kg
20.4.24 Ás NS 78 Grásleppunet
Grásleppa 1.885 kg
Þorskur 558 kg
Samtals 2.443 kg

Skoða allar landanir »