Skipstjóri og stýrimaður í farbann
Setja bókamerki
Héraðsdómur Suðurnesja hefur fallist á kröfu lögreglunnar á Suðurnesjum um farbann skipstjóra og stýrimanns flutningaskipsins Longdawn vegna rannsóknar á sjóslysi.
Mennirnir hafa verið úrskurðaðir í fjögurra vikna farbann. Annar þeirra hefur þegar kært úrskurðinn til Landsréttar.
Þetta kemur fram í tilkynningu frá lögreglunni á Suðurnesjum.
Handteknir í Vestmannaeyjum
Til þess að tryggja rannsóknarhagsmuni voru mennirnir handteknir í Vestmannaeyjum við komu skipsins þangað í gærdag.
Í gærkvöldi voru þeir svo fluttir til Suðurnesja, þar sem þeir voru vistaðir þar til unnt var að færa þá fyrir Héraðsdóm Suðurnesja.
Í hádeginu í dag var borin fram krafa um að þeir yrðu úrskurðaðir í farbann á meðan frekari rannsókn færi fram.
Grunur um árekstur
Eins og fram hefur komið kom til áreksturs Longdawn og strandveiðibátsins Höddu HF 52 sem hvolfdi í fyrrinótt. Þorvaldur Árnason sjómaður og lyfjafræðingur slapp við illan leik.
„Ummerki eru eftir ákomu á báðum sjóförunum sem þykir styrkja mjög grun lögreglu um árekstur sem orsök þess að bátnum hvolfdi. Rannsókn lögreglu miðar m.a. að því að upplýsa með hvaða hætti það atvikaðist,“ segir í tilkynningu lögreglu.
Rannsókn miðar ágætlega, en gagnaöflun og skýrslutökur standa enn yfir.
Guðni snýr aftur til starfa hjá HÍ
Meta sakhæfi móðurinnar
Tveimur er haldið sofandi eftir rútuslysið
„Hefur ótrúleg áhrif á líf fólks“
Skilaboðin þau að flóttamenn séu hættulegir
Skoða vantraust á Bjarkeyju
Rafvarnarvopn í notkun í sumar
