Öllu starfsfólki fiskvinnslunnar sagt upp
Setja bókamerki
Allt lítur út fyrir að Ísfélagið hætti starfsemi í Þorlákshöfn og því öllu starfsfólki sagt upp. Þetta staðfestir Stefán Friðriksson, forstjóri Ísfélagsins, í samtali við mbl.is og segir að endanleg ákvörðun verði tekin í næstu viku.
Rúv greindi fyrst frá.
„Það lítur út fyrir að við séum að loka fiskvinnslu okkar í Þorlákshöfn. Það verður klárað í næstu viku geri ég ráð fyrir – tekin ákvörðun þá,“ segir Stefán en alls störfuðu um 34 manns í vinnslunni.
Hann segir að skýringin sé að eftir að humarveiðum hafi verið hætt árið 2021 hafi hryggjarstykkið úr vinnslunni horfið.
Ísfélagið rekur frystihús og fiskimjölsverksmiðju í Vestmannaeyjum og á Þórshöfn, frystihús í Þorlákshöfn og rækjuverksmiðju á Siglufirði.
Stefán segir að vinnslurnar í Vestmannaeyjum og á Þórshöfn anni því hráefni sem Ísfélagið hefur yfir að ráða.
Hann segir stöðuna vera sorglega, „þetta fólk er búið að vera hjá okkur í mörg ár og sýnt mikla tryggð við félagið“.
Áætlar að tíu fyrirtæki hafi orðið fyrir verulegu tjóni
Eldur í þaki Kringlunnar
„Lyktaði eins og öskubakki“
„Of algengt að við séum að fara í svona útköll“
Töluverður reykur og vatn inni í Kringlunni
Vægast sagt ósanngjarnt að tala um ekkert samráð
Ekki mikil hreyfing á hrauntungunni
Myndir: Mikið vatn á gólfum Kringlunnar