Knattspyrnumaðurinn Gylfi Sigurðsson bað kærustu sinnar, Alexöndru Helgu Ívarsdóttur, í sumar á Bahamaeyjum. Bónorðið vakti mikla athygli og eru þau nú byrjuð að huga að brúðkaupinu.
Gylfi er í löngu viðtali í DV í dag þar sem kemur fram að þau Alexandra ætli að gifta sig á næsta ári.
Ekki kemur fram hvar og hvenær en ekki er ólíklegt, ef um stóra veislu er að ræða, að það verði næsta sumar enda lítið um frí í ensku úrvalsdeildinni. Aron Einar Gunnarson leikur líka á Englandi og kvæntist hann Kristbjörgu Jónasdóttur í Hallgrímskirkju í júní í fyrra.