Hótar að siga pössunarpíu á Rooney
Setja bókamerki
Knattspyrnumaðurinn Wayne Rooney er enn og aftur kominn í klandur. Eiginkona hans, Coleen Rooney, er ósátt við hegðun hans og er sögð íhuga að fá bróður sinn til þess að passa knattspyrnustjörnuna að því fram kemur á vef The Sun.
Á dögunum birtust myndir af Wayne Rooney við lyftu á hóteli með dökkhærðri konu klukkan hálfsex um morgun. Wayne Rooney var búinn að vera að skemmta sér alla nóttina með liðsfélögum sínum í DC United eftir leik í Kanada.
Coleen Rooney er sögð brjáluð og hefur sést án giftingarhringsins að undanförnu. Knattspyrnumaðurinn mun spila á Englandi eftir áramót en eiginkona hans er sögð vilja hann heim til Englands eins og skot.
Samkvæmt heimildum The Sun er mágur knattspyrnustjörnunnar, Anthony McLoughlin, tilbúinn að stíga inn sem eins konar pössunarpía. Heimildarmaður segir að bróðir Coleen Rooney hafi verið pössunarpía knattspyrnumannsins fyrst þegar hann flutti til Bandaríkjanna.
„Coleen hefur sagt Wayne að hún sé virkilega að íhuga að gera það sama ef hann kemst ekki til baka,“ segir heimildarmaðurinn. Heimildarmaðurinn heldur því fram að ef McLoughlin er við hlið Wayne Rooney fari hann ekki út að skemmta sér og geri sig að fífli.
Tveir í bílnum sem lenti utan vegar
/frimg/1/48/74/1487454.jpg)
Heldur inn í nóttina tuttugu kílóum léttari
Eyjafjarðarbraut lokað vegna alvarlegs umferðarslyss
Skemmtiferðaskip hætt komið nærri Viðey
Skar höfuðleðrið af íslenskri konu
Vélsleðaslys: Þyrlan kölluð út á mesta forgangi
„Höfum ekki náð að skríða upp úr þeirri gryfju“