Geimveran E.T. sem fangað hefur hugi og hjörtu fólks síðan 1982 þegar hún birtist fyrst á hvíta tjaldinu snýr aftur til jarðar í nýrri auglýsingu.
Auglýsingin er framleidd af Comcast Xfinity en leikstjóri upphaflegu kvikmyndarinnar, Steven Spielberg, kom einnig að í henni. Hún var sýnd í auglýsingahléi í útsendingunni af þakkargjörðarhátíðarskrúðgöngu Macy's í Bandaríkjunum í gær.
Þar má sjá E.T. kominn til jarðarinnar að hitta vin sinn, Elliot, sem er orðinn fullorðinn. Thomas Henry fer með hlutverk Elliot í auglýsingunni, líkt og hann gerði í upphaflegu myndinni.