Diljá Pétursdóttir tekur þátt í Söngvakeppni sjónvarpsins í ár og freistar þess að láta drauminn um að keppa í Eurovision verða að veruleika. Diljá hefur unnið í tónlist í nokkur ár og alltaf haft það í huga að hana langaði til að keppa í Söngvakeppninni.
Lagið sem Diljá flytur ber nafnið Lifandi inni í mér en Diljá stígur á sviði á laugardag, 18. febrúar.
Hvað er Eurovision í þínum huga?
„Í mínum huga er Eurovision skemmtilegasta konsept í heiminum. Eurovision er hátíð þar sem Evrópa sameinast með tónlist. What is there not to like?“
Hefur þig alltaf langað til að keppa í Söngvakeppninni?
„Frá því að ég var 7 ára árið 2009 og sá Jóhönnu Guðrúnu í söngvakeppninni með Is It True?“
Af hverju ákvaðstu að gera það í ár?
„Ég hef verið að vinna í tónlist með Pálma Ragnari í nokkur ár og hef látið hann vita af því nokkrum sinnum að mig langi að taka þátt í söngvakeppninni einn daginn og í ár fannst okkur við vera tilbúin í það.“
Hver er þín fyrsta Eurovision-minning?
„Ég að syngja Hard Rock Hallelujah heima og setja upp leiksýningu úr því.“
Hvert er þitt uppáhalds Eurovision-lag?
„Amar Pelos dois. Annars er ég með tvö önnur uppáhaldslög sem kepptu í sínu heimalandi en komust ekki í Eurovision: Hjartað brennur eftir Regínu og Statements eftir Loreen“
Hvert er flottasta Eurovision-dress allra tíma?
„Cezar frá Romaníu í It’s my life 2013“
Hvernig hélst þú upp á Eurovision á síðasta ári?
„Heimatilbúið pítsupartí með fjölskyldunni.“
Hvaða Eurovisionlag værir þú líkleg til að syngja hástöfum í karíókí?
„Satellite“