Benjamin bað Eydísar á stórbrotnum stað

Ljósmyndararnir Benjamin Hardman og Eydís María Ólafsdóttir eru nú trúlofuð. Benjamin birti færslu á Instagram-síðu sína í dag þar sem hann greinir frá því að hann hafi fyrirvaralaust beðið hana um að giftast sér en hann bað hennar á ansi óvenjulegum stað.

Frétt af mbl.is

Eydís og Benjamin selja draumaeign í 101

Ekki vantaði upp á frumleika í bónorðum Benjamins sem bað Eydísar á toppi Eyjafjallajökuls en þau höfðu ásamt vinum sínum og fjölskyldu gengið upp á jökulinn um daginn.

Ljósmyndaratvíeykið hefur verið saman um hríð og á von á barni.

Frétt af mbl.is

Eydís og Benjamin eiga von á barni

Skyndiákvörðun að biðja hennar

Í færslunni sem hann birti á Instagram skrifar hann: „Saman frjósum við að eilífu. Er ég starði í hjarta jökulsins, fann ég fyrir djúpri ástríðu, þakklæti og hlýju gagnvart @eydismariaolafs. Er ég andaði inn ískalda -20 gráða andrúmsloftinu, var þessi ylur leið náttúrunnar til að segja mér að þetta væri augnablikið.“

„Á hátindi Eyjafjallajökuls, umkringdur nánum vinum og fjölskyldu, bað ég Eydísar. Ég notaði klaka til þess að tákna skuldbindinguna og ást mína gagnvart henni og litlu stúlkunni okkar, sem verður brátt með okkur.“

„Það augnablik sem hún sagði já, féllu mér tár um kinnar sem frusu samstundis. Það að líta á jökulinn hefur nú allt aðra merkingu fyrir mér.“

• Blogga um frétt