Að sögn Hjördísar Guðmundsdóttur, samskiptastjóra almannavarnadeildar ríkislögreglustjóra, tengdust öll kórónuveirusmitin sem greindust í gær eldri smitum. Þrjú smit greindust innanlands í gær og voru allir í sóttkví við greiningu, samkvæmt bráðabirgðatölum covid.is.
Að sögn Hjördísar Guðmundsdóttur, samskiptastjóra almannavarnadeildar ríkislögreglustjóra, tengdust öll kórónuveirusmitin sem greindust í gær eldri smitum. Þrjú smit greindust innanlands í gær og voru allir í sóttkví við greiningu, samkvæmt bráðabirgðatölum covid.is.
Að sögn Hjördísar Guðmundsdóttur, samskiptastjóra almannavarnadeildar ríkislögreglustjóra, tengdust öll kórónuveirusmitin sem greindust í gær eldri smitum. Þrjú smit greindust innanlands í gær og voru allir í sóttkví við greiningu, samkvæmt bráðabirgðatölum covid.is.
Í gær greindi RÚV frá því að allir nemendur í unglingadeild í Hvaleyrarskóla í Hafnarfirði hefðu verið sendir í sóttkví á fimmtudagskvöldið eftir að nemandi greindist með Covid-19. Nemandinn var slappur í skólanum í gær og því var ákveðið að senda alla eitt hundrað nemendur unglingadeildarinnar og sex kennara í sóttkví. Að sögn Hjördísar skýrist á næstu dögum hvað kemur út úr því smiti.
Daginn áður greindust sjö með kórónuveiruna og var enginn þeirra í sóttkví en mjög margir voru sendir í sóttkví vegna smitanna sem voru meðal fólks sem tengist innbyrðis. Smitin komu upp hjá fjölskyldufólki sem er á meðal umsækjenda um alþjóðlega vernd.
Hjördís segir að smitin séu í raðgreiningu til þess að athuga hvers eðlis þau séu. Á annað hundrað manns hafa þurft að fara í sóttkví vegna smitanna og fór slökkvilið höfuðborgarsvæðisins í 40 sjúkraflutninga vegna þeirra. „Þetta gekk þó vel og búið er að rekja allt í kringum þetta,“ segir Hjördís.
Sjö smit greindust á landamærunum í gær en í öllum tilvikum er beðið niðurstöðu mótefnamælingar.