Um helmingur notenda stefnumótaforritsins Tinder virðist ekki vera að leita sér að stefnumóti, ef marka má niðurstöður nýlegrar rannsóknar sem birtist í júlí síðastliðnum. Samkvæmt rannsókninni kjósa margir notendur forritsins að vera virkir á því þrátt fyrir að vera í raun ekki að leita sér að maka. Þess í stað noti þeir forritið til afþreyingar, líkt og samfélagsmiðla.

Frétt af mbl.is

Fimm merki um stefnumótakulnun

Rannsóknin náði til tæplega 1400 einstaklinga og af þeim sögðust rúmlega 60 prósent nú þegar vera í sambandi. Einungis um helmingur þátttakenda sagðist vera í virkri leit að einhverjum til að hitta í raunheimum.

NBC hefur eftir talsmanni Tinder að forsvarsmenn forritsins vefengi rannsóknina og segja að tölurnar sem dregnar eru fram í rannsókninni sýni ekki sanna mynd af notendum forritsins, miðað við gögn Tinder. Þátttakendur rannsóknarinnar hafi einungis fengið þrjá valkosti til að lýsa sjálfum sér sem leiddi af sér kerfisbundna skekkju á rannsókninni.