„Frumvarpið kæmi ágætlega út fyrir okkur, því við erum með lögheimilið á okkar eign,“ segir Sævar Þór Birgisson, íbúi í Grindavík, um frumvarp ríkisstjórnarinnar um kaup á íbúðarhúsnæði í Grindavík. 

„En pabbi á reyndar aðra eign þarna og sparifé hans færi þannig út um gluggann, eins og þetta er sett upp,“ bætir hann við.

Frétt af mbl.is

„Sjáum fram á að vera alltaf í tapi“

Sævar segir að útséð sé um að hans fjögurra manna fjölskylda geti keypt sambærilegt húsnæði annars staðar.

„Eignin okkar er veðbandalaus og til að kaupa einbýlishús fyrir fjögurra manna fjölskyldu á höfuðborgarsvæðinu þyrftum við að bæta við 50-60 milljóna láni á eignina til að fá sambærilega eign.“

Frétt af mbl.is

„Hvar á maður að kaupa?“

Sævar segir að hann myndi alltaf kjósa að flytja aftur til Grindavíkur væri það kostur, en lífið sé núna í biðstöðu og þau eru að skoða möguleikana.

„Svo finnst mér fáránlegt að ekki sé hægt að flytja veð af eignunum. Það þýðir að í dag þarftu að kaupa dýrari eign, auka við lántöku með láni á verri kjörum.“