Leikarahjónin Sacha Baron Cohen og Isla Fisher greindu frá því á dögunum að þau væru að skilja. Hin ástr­alska Fis­her og hinn enski Cohen gengu í hjóna­band árið 2010 í Par­ís eftir níu ára samband.

Fisher, sem er þekkt fyrir hlutverk sín í kvikmyndum á borð við Confessions of a Shopaholic, Now You See Me og Wedding Crashers, birti færslu á Instagram Story þar sem hún greindi frá skilnaðinum. Leikkonan sagði þau hjónin hafa sótt um leyfi til skilnaðar á síðasta ári.

„Eftir langan tennisleik, sem stóð yfir í rúm 20 ár, höfum við ákveðið að leggja spaðana á hilluna,“ skrifaði Fisher meðal annars við færsluna.

Hjónin eiga sam­an þrjú börn, fædd 2007, 2010 og 2015.

Fisher greindi frá skilnaðinum á Instagram. Skjáskot/Instagram