Hákarl réðist á brimbrettakappa

Ástralskur karlmaður komst í hann krappan þegar hákarl réðst hann þar sem hann var á brimbretti í sjónum við Avoca-ströndina, um 75 km norður af Sydney í Ástralíu. Maðurinn, sem er 28 ára, er sagður vera á batavegi eftir árásina.

Sjónarvottar segja að hákarlinn hafi bitið manninn í annan handlegginn.

„Þegar ég kom á ströndina sá ég konu öskra á annan brimbrettakappa og biðja hann að koma í land, því hún hefði séð hákarl. Þá var ég ekki búinn að átta mig á því að hákarl hefði í raun og veru bitið mann á brimbretti. Síðan sá ég tvo eða þrjá menn standa í kringum mann sem lá í sandinum. Þegar ég fór nær sá ég að brimbretti mannsins var atað blóði og blóð í sandinum,“ sagði sjónarvotturinn Jack Gencher í samtali við Reuters. 

„Hann sagði við okkur að hákarl hefði komist á brettið og handleggurinn hefði verið ofan á því og hákarlinn hafi náð að bíta stóran bita úr handleggnum,“ segir Adam Harpaz, sem er annar sjónarvottur sem Reuters ræddi við.

Brimbrettakappinn liggur nú á sjúkrahúsi og er líðan hans sögð stöðug. Sjúkraliðar segja að maðurinn hafi verið í sjónum að kvöldi til. Það sé hættulegur tími.

„Það getur verið hættulegt ef menn eru á brimbretti seint á kvöldin, sérstaklega í rökkri. Flestir sem eru á brimbrettum gera sér grein fyrir því að þá eru hákarlar í fæðuleit,“ segir sjúkraliðinn Brad Folitarik.

Þrátt fyrir árásina voru sundmenn mættir á Avoca-ströndina daginn eftir. Fyrir ofan þá er þyrla á sveimi sem fylgist með því hvort hákarlar séu í nánd.

mbl.is

Bloggað um fréttina

Frá Sýrlandi til Evrópu - Greinaflokkur

Flutnings, heimilis og Airbnb þrif
Vantar þig þrif ? Sendu okkur skilaboð og fáðu tilboð strax í dag! Systur ehf ...
Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: START/BYRJA: 2018: 5/2, 5/3, 2/4, 30/4, 28/5, 25/6.(HOL...
INTENSIVE ICELANDIC, ENGLISH & NORWEGIAN f. foreigners - ÍSLENSKA f.útl - ENSKA - NORSKA
START/BYRJA: 2018: 5/2, 5/3, 2/4, 30/4, 28/5, 25/6 - (HOLIDAY/FRÍ: 18/7-21/8) 3...
 
Uppboð
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa frá kl. 9,...
Hádegisfundur
Fundir - mannfagnaðir
ses.xd.is Samtök eldri sjálfstæði...
Endurskoðun aðalskipulags
Tilkynningar
Endurskoðun aðalskipulags Akraness Alm...