Sýrlenski herinn hefur lýst yfir 48 klukkustunda vopnahléi í borginni Daara í suðurhluta landsins. Harðir bardagar hafa geisað þar síðustu daga.

Í yfirlýsingu kemur fram að vopnahléið hafi tekið gildi á hádegi að staðartíma „vegna stuðnings við friðarumleitanir“.

Samtökin Syrian Observatory for Human Rights, segja að ró hafi komið yfir borgina í kjölfar vopnahlésins.

Daara er á einu af þeim svæðum sem Rússar, Íranir og Tyrkir samþykktu að dregið yrði úr átökum, samkvæmt áætlun þeirra.

Þrátt fyrir það hafa bardagarnir verið harðir þar síðustu vikur en uppreisnarmenn ráða yfir um 60% af borginni.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt