Hollendingar fái ekki að vera hollenskir

Mark Rutte sýnir Hollendingum búsettum í Bretlandi enga miskunn.
Mark Rutte sýnir Hollendingum búsettum í Bretlandi enga miskunn. AFP

Hollenskir ríkisborgarar, búsettir í Bretlandi, sem taka upp breskt ríkisfang til að þurfa ekki að yfirgefa landið eftir að úrsagnarferli Bretlands úr ESB lýkur, koma til með að missa hollenska vegabréfið sitt. Þetta segir forsætisráðherra Hollands, Mark Rutte, en The Guardian greinir frá.

Um 100 þúsund hollenskir ríkisborgarar búa í Bretlandi og lifa nú í óvissu um hvað verður um þá í mars 2019, þegar úrsagnarferlinu lýkur. Enn standa yfir viðræður á milli Breta og ESB um réttindi erlendra ríkisborgara í kjölfar Brexit. Ráðamenn í Brussel hafa sagt fyrstu hugmyndir Breta bæði óljósar og ófullnægjandi.

Rutte segir tvöfaldan ríkisborgararétt ekki valkost þegar kemur að þeim Hollendingum sem búa í Bretlandi. Hann segir þetta snúast um tengslin við heimalandið og ef tengslin við Bretland eru orðin sterkari en við Holland þá sé rétt að þeir sem taki upp breskt ríkisfang tapi því hollenska.

Þá benti hann á að hafi einstaklingur tvöfalt ríkisfang þá séu réttindi hans mun óljósari en ella. Það hefur verið stefna ríkistjórnarinnar að draga úr því að Hollendingar séu með tvöfalt ríkisfang. Meðal annars af öryggisástæðum. Á heimasíðu hollenska dóms- og öryggismálaráðuneytisins er ein ástæðan sem gefin er upp að þetta eigi að koma í veg fyrir að þeir sem taki upp hollenska ríkisborgararétt þurfi að sinna herskyldu í upprunalandinu.

mbl.is

Frá Sýrlandi til Evrópu - Greinaflokkur

SUMARFRÍ Í SÓL & HITA Í VENTURA FLORIDA
Glæsilegt HÚS til leigu v. 18 holu golfv, 3 svh. 2 bh.,1 wc, stór stofa, eldhús ...
Skápur og skúffueining lituð eik
Til sölu: Skápur 105x80x37cm kr 12.000 Skúffueining 72x46x43 kr 12.000 Uppl....
Bækur til sölu
Um Urnot, bókin hennar Bjarkar, Færeyingasaga 1832, Njála 1772, Það blæðir úr mo...
 
Styrkir 2018
Styrkir
Styrkir til verkefna í þágu barna á...
Vantar þig trésmið
Iðnaðarmenn
Vantar þig trésmið? Úrræðagóður húsa...
Byggðakvóti
Tilkynningar
Auglýsing vegna úthlutunar byggða...
Félagsstarf
Staður og stund
Aflagrandi 40 Opin vinnustofa frá kl. 9,...