„Hvarfst þú nokkuð með kafbáti?“

Ekkert hefur spurst til Kim Wall í tæpa viku.
Ekkert hefur spurst til Kim Wall í tæpa viku. AFP

Sænska blaðakonan Kim Wall hafði skipulagt flutning til Kína með kærasta sínum er hún hvarf sporlaust með dularfullum hætti aðfaranótt föstudags. Ekkert hefur spurst til hennar í tæpa viku frá því að hún fór um borð í kafbát með eiganda hans, Peter Madsen, og sigldi út á Eyrarsund.

Vinkona Wall skrifar grein um hana í sænska dagblaðið Expressen. Victoria Greve, höfundur greinarinnar, er þrítug eins og Wall og einnig blaðamaður.

Í greininni skrifar Greve að þær Wall hafi tengst vináttuböndum í New York á síðasta ári. Ræddu þær þar m.a. um hið harða líf lausamennskunnar, þar sem blaðamenn þurfa að vera með allar klær úti til að ná endum saman.

Greve segir að Wall og kærasti hennar hafi verið búin að ákveða að flytja saman til Peking og verið búin að skrifa undir leigusamning á lítilli tveggja herberga íbúð.

Í grein Greve kemur fram að Wall hefi verið búsett í Kaupmannahöfn er hún hvarf. „Hún bað mig að koma í heimsókn og að við myndum hjóla saman um gamla bæinn,“ skrifar Greve. „Hún sagðist svo ætla að koma frá Kaupmannahöfn og heimsækja mig til Stokkhólms í sumar.“

Greve segir að hvarf Wall líkist helst þætti úr sakamálaþáttunum Brúnni (Broen). „Þetta er allt svo undarlegt. Svona gerist ekki. Þetta er eins og þáttur af Brúnni. Þekktur sjálfmenntaður uppfinningamaður tekur unga blaðakonu með sér í heimasmíðaðan kafbát sem síðan sekkur við dularfullar kringumstæður. Konan hverfur sporlaust. En þetta gerðist virkilega svona.“

Sendi Wall skilaboð

Malin Frazén, önnur vinkona Wall, segist taka hvarf hennar mjög nærri sér. Hún segist ekki hafa getað ímyndað sér að þegar fréttir af hvarfi sænskrar blaðakonu fóru að birtast væru þær um Kim vinkonu sína. Hún skrifaði meira að segja skilaboð í gríni til Kim eftir að fréttirnar tóku að berast og spurði: „Ert það nokkuð þú sem hvarfst með kafbáti?“

En hún fékk aldrei neitt svar. Hún segist þá hafa farið að leita staðfestingar á því að það hafi í raun verið Wall sem hvarf með bátnum. 

Madsen hefur verið úrskurðaður í gæsluvarðhald til 5. september, grunaður um manndráp af gáleysi.

mbl.is
Herbegi í ágúst og september
Leita eftir herbegi til leigu á höfuðborgarsvæðinu frá 1. ágúst til 7. október n...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
www.apartment-eyjasol.is - Reykjavik-
1 and 2 bedroom apartments in Reykjavik. Beds for 4-6 pers. Be welcome eyjasol@...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9, for...
Félagsstarf
Staður og stund
Aflagrandi 40 Opin vinnustofa kl. 9 og b...
Félagsstarf
Staður og stund
Aflagrandi 40 Opin vinnustofa kl. 9, jóg...