Leiðtogar Evrópusambandsins hafa ákveðið að halda áfram viðræðum um útgöngu Breta úr sambandinu, Brexit. Þetta segir Donald Tusk, forseti Evrópuráðsins.
Þetta þýðir að viðræðurnar fara á næsta stig þar sem meðal annars verður rætt um viðskipti, öryggis- og varnarmál.
Bretar ganga úr Evrópusambandinu í mars 2019 en viðræður hefjast að nýju í næstu viku um næstu skref. Forseti framkvæmdastjórnar ESB, Jean-Claude Juncker, hefur varað við því að sú vinna geti reynst erfiðari en það sem hefur þegar náðst samkomulag um.