Fylgdu rússnesku herskipi á brott

Rússneskt herskip. Mynd úr safni. Bretar segjast hafa orðið varir ...
Rússneskt herskip. Mynd úr safni. Bretar segjast hafa orðið varir við aukna umferð rússneskra skipa um breska hafsögu undanfarið. AFP

Bresk freigáta fylgdi á brott rússnesku herskipi, sem var á ferðinni nálægt Bretlandsströndum, í Norðursjó á jóladag, að því er BBC hefur eftir konunglega breska sjóhernum.

Segir í yfirlýsingu frá sjóhernum að freigátan HMS St Albans hafi fylgst með ferð herskipsins Gorshkovs aðmíráls, á svæði sem varði þjóðarhagsmuni Breta.

Rússnesk stjórnvöld hafa ekki tjáð sig um málið.

Breski sjóherinn segir hins vegar að nýlega hafi orðið vart við aukningu á ferðum rússneskra skipa um bresk hafsvæði. Hafa bresk yfirvöld raunar nýlega varað við þeirri ógn að Rússar kunni að klippa á sæstrengi.

Sir Stuart Peach, yfirmaður hersins, sagði fyrr í þessum mánuði að Bretar og NATO yrðu að setja það í forgang að verja samskiptalínur. Yrðu slíkar línur fyrir árás myndi það „samstundis og með mögulega hörmulegum afleiðingum“ koma niður á efnahag ríkja.

Sæstrengir liggja víða á hafsbotninum og tengja þar lönd og heimsálfur.

Í yfirlýsingu frá sjóhernum segir að HMS St Albans hafi verið látin sigla út á Þorláksmessu til að fylgjast með nýju rússnesku herskipi, Gorshkov aðmírál, sem hafi verið nálægt lögsögu Bretlands. Skipið muni snúa aftur til hafnar í Portsmouth í dag, annan dag jóla.

„Ég mun ekki hika við að verja hafsvæði okkar og mun ekki líða neinn yfirgang,“ hefur BBC eftir varnarmálaráðherranum Gavin Williamson.

„Bretland lætur ekki hræða sig þegar kemur að því að verja land okkar, íbúa eða þjóðarhagsmuni.“

mbl.is
Marbella á Costa del Sol
Mjög góð 94m2 íbúð með 2 svefnherbergjum og 2 baðherbergjum. 24 m2 verönd. Staðs...
Lok á heita potta
Lok á heita potta og hitaveitu- skeljar Stærðir í cm: 200x200, 210x210, 220x220,...
Bókalind - antikbókabúð
Við erum antikbókabúð og höfum á boðstólnum fjölbreytta flóru af bókum. Við erum...
Akureyri - Vönduð íbúðagisting
Vel útbúnar og rúmgóðar íbúðir. Uppábúin rúm fyrir sjö manns, handklæði og þráðl...