Trump sagður vera við hestaheilsu

Donald Trump, forseti Bandaríkjanna.
Donald Trump, forseti Bandaríkjanna. AFP

Donald Trump, forseti Bandaríkjanna, er við hestaheilsu. Frá þessu greindi Ronny Jackson, læknir forsetans í Hvíta húsinu, eftir að Trump hafði gengist undir sína fyrstu læknisskoðun frá því hann tók við embættinu.

Jackson sendi frá sér stutta yfirlýsingu að lokinni skoðun sem stóð yfir í þrjár klukkustundir og herlæknar framkvæmdu á hinum 71 árs gamla forseta. Jackson segir að skoðunin hafi gengið afskaplega vel og sagðist gefa frekari upplýsingar um skoðunina á þriðjudag. Þetta kemur fram á vef BBC.

Þar segir enn fremur, að engin geðrannsókn hafi verið framkvæmd en í nýútkominn bók Michael Wolff um fyrsta ár forsetans, Fire and Fury: Inside the Trump White House, eru gerðar athugasemdir við geðheilsu forsetans. Þar kemur m.a. fram að ráðgjafar Trumps líti á hann sem barn sem þurfi stöðugt að gleðja. 

Trump hefur sagt að bók Wolff sé full af lygum. Þá hefur Rex Tillerson, utanríkisráðherra Bandaríkjanna, vísað því á bug að andlegri heilsu forsetans fari hrakandi.

Yfirlýsing læknisins í Hvíta húsinu endurómar orð fyrrverandi læknis Trumps, Harold Bornstein, sem sagði í desember 2015, fyrir forsetakosningarnar í Bandaríkjunum, að Trump yrði „heilbrigðasti einstaklingurinn sem yrði kosinn til að gegna forsetaembættinu“.

Læknisskoðunin fór fram í gær á Walter Reed-sjúkrahúsinu í Bethesda í Maryland. 

mbl.is

Bloggað um fréttina

Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Reiðhjólaviðgerðir
Hjólaspítalinn Auðbrekku 4. Viðgerðir á öllum gerðum hjóla, stuttur biðtími, flj...
 
Skólastjóri tónlistarskólans
Listir
Laus störf í Skaftárhreppi Starf ...
Sumarstörf n1
Önnur störf
Vilt þú vinna á líflegum vinnustað í s...
Sölumaður
Sölu/markaðsstörf
...
Félagsstarf
Staður og stund
Aflagrandi 40 Opin vinnustofa kl. 9, nú ...