Drápu 83 börn
Setja bókamerki
Að minnsta kosti 83 börn voru drepin á stríðssvæðum í Mið-Austurlöndum í janúar. Flest þeirra í Sýrlandi, samkvæmt upplýsingum frá UNICEF.
„Þau voru drepin í átökum, sjálfsvígsárásum eða þau frusu í hel á flótta frá stríðssvæðum,“ segir Geert Cappelaere, svæðisstjóri Barnahjálpar Sameinuðu þjóðanna í Mið-Austurlöndum.
Hann segir að börnin hafi verið drepin í Írak, Líbýu, Palestínu, Sýrlandi og Jemen. Janúar hafi verið bæði dimmur og blóðugur. „Það hefur kannski verið þaggað niður í börnum en raddir þeirra munu heyrast áfram... Raddir þeirra munu aldrei þagna,“ bætir hann við.
Hann segir að enn hafi ekki tekist að stöðva stríðið gegn börnum og það megi aldrei verða réttlætanlegt að drepa börn.
Alls voru 59 börn drepin í Sýrlandi í janúar en tæp sjö ár eru liðin frá því stríðið hófst þar. Í Jemen er ástandið skelfilegt og nánast á hverjum degi berast fréttir þaðan um dráp á börnum.
Fjögur börn voru meðal 16 sýrlenskra flóttamanna sem frusu í hel í janúar á flótta til Líbanons.
Væri að ljúga ef ég segðist ekki stressaður
Shakespeare fannst í skókassa
Skaut sex sinnum að feðginum á aðfangadagskvöld
Bergnuminn í Hvalfirði
Sex hafa greinst með listeríu
Banna mengandi búnað sem leyfður er á Íslandi
Strand skemmtiferðaskips kallar á erlenda aðstoð
„Höfum ekki náð að skríða upp úr þeirri gryfju“