Þinghúsið flattist út í fellibyl

Þinghúsið á Tonga var rúmlega aldargamalt. Það flattist út er ...
Þinghúsið á Tonga var rúmlega aldargamalt. Það flattist út er fellibylurinn Gita fór þar yfir. AFP

Þinghús Tonga eyðilagðist er fellibylurinn Gita fór yfir eyríkið í gærkvöldi og nótt. Er þetta versti stormur sem farið hefur yfir eyjarnar í meira en 60 ár.

Gita var fjórða stigs fellibylur er hún fór yfir Tonga. Óttast hafði verið um tíma að Gita yrði fimmta stigs fellibylur er hún færi þar yfir og höfðu stjórnvöld lýst yfir neyðarástandi áður en Gita gekk þar á land.  Þúsundir gistu í neyðarskýlum í nótt, en fellibylurinn olli verulegu tjóni. Rafmagnslínur liggja nú niðri og þök rifnuðu af fjölda húsa að því er BBC greinir frá. 

„Vindurinn var skelfilegur,“ hefur ríkisútvarp Nýja Sjálands eftir einum íbúanna Mary Fonua. „Við heyrðum þökin á húsunum lyftast. Ég sá fólk hinum megin við götuna. Þakið af húsinu þeirra sveiflaðist og var að rifna í sundur. Ég held að margir hafi verið mjög örvinglaðir í gærkvöldi,“ sagði Fonua.

Íbúar í höfðuborg Tonga Nuku'alofa virða fyrir sér skemmdirnar eftir ...
Íbúar í höfðuborg Tonga Nuku'alofa virða fyrir sér skemmdirnar eftir að fellibylurinn Gita fór þar yfir. AFP

Vindstyrkurinn fór yfir 200 km/klst og er þetta mesti vindhraði sem mælst hefur á Tonga frá því að mælingar hófust. Þinghúsið sem nú er ónýtt var meira en aldargamalt. Ekki er ljóst hvar þingfundir munu fara fram á meðan húsið verður endurreist.

Gita er nú á leið yfir að Fijieyjum, en búist er við að fellibylurinn hafi náð fimmta stigs styrk er hann gengur á land þar.

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Bátavélar 58 hp með gír
Eigum á lager 37 og 58 hp75 95 og 110 hp bátavélar frá TD Með gír og mælabo...
íbúð með sérinngang eða sérbýli óskast.
Vönduð vel menntuð hjón með tvær dætur óska eftir húsnæði í Reykjavik eða Kóp. S...
Bókhald
NP Þjónusta Býð fram liðveislu við bókanir, reikn-ingsfærslur o.fl. Hafið samban...