Peter Madsen neitar því að hafa myrt sænsku blaðakonuna Kim Wall um borð í kafbát hans í ágúst í fyrra. Réttarhöld yfir Madsen hófust í Kaupmannahöfn í morgun. Madsen játar fyrir dómi að hafa sagað útlimi af Wall en neitar því að hafa beitt blaðakon­una grófu kyn­ferðis­legu of­beldi. 

Jakob Buch-Jepsen saksóknari hóf mál sitt í morgun á því að fara yfir sex ákæruliði og tók fram að fjölskylda Wall fari fram á miskabætur en foreldrar hennar eru í réttarsalnum. Madsen neitar sök í fjórum ákæruliðum.

Betina Hald Engmark, lögmaður Peter Madsen, í Kaupmannahöfn í morgun. AFP

Madsen var úrskurðaður í gæsluvarðhald 12. ágúst, sólarhring eftir að Wall sigildi með honum rétt fyrir utan Kaupmannahöfn vegna viðtals sem hún átti að taka við hann. Madsen hefur setið í gæsluvarðhaldi síðan en hann er ákærður fyrir að hafa orðið Wall að bana.

Réttarhöldin hófust hálf níu í morgun að íslenskum tíma en gert er ráð fyrir því að málflutningur saksóknara taki tvær klukkustundir. Eftir það vitnar Madsen.

Tengdar fréttir

Sænska blaðakonan Kim Wall myrt

Peter Madsen hlaut 21 mánaðar dóm

• Danir herða öryggisgæslu í fangelsum
• Peter Madsen reyndi að flýja
• Ný þáttaröð um kafbátamálið sem skók allan heiminn
• Segir Madsen góða fyrirmynd

» Fleiri tengdar fréttir

• Blogga um frétt